ගොයම් කහ වීමට හේතු 8ක් සොයා ගැනේ

කෘෂිකර්ම දෙපාර්තමේන්තුව විසින් මහ කන්නයේ ගොයම් කහ පැහැ වීමට හේතු 08 ක් අනාවරණය කරගෙන ඇති අතර ඒ පිලිබඳ වාර්තාව කෘෂිකර්ම අමාත්‍ය මහින්ද අමරවීර මහතාට ලබා දී තිබේ.

එම වාර්තාවේ දැක්වෙන්නේ පොස්පරස් (P) ඌනතාවය, පොටෑසියම් (K) ඌනතාවය, පොටෑසියම් හා පොස්පරස් දෙකම ( P and K) එකවර ඌනවීම, නෙමටෝඩා විසින් ගොයම් ගස්වල මූල පද්ධතියට හානි කිරීම, පැල මැක්කාගේ Rice Thrift හානිය, දුඹුරු කීඩෑ උවදුර, කුඹුරුවල ලවනතාවය ( Salinity) , යකඩ විෂවීම (Iron Toxicity) යන තත්ත්වයන් බවයි.

ගොයම් කහ පැහැවීම වලක්වා ගැනීමට දැනුවත් කිරීම් හා කෘමිනාශක භාවිතා කරන ලෙසත් අමාත්‍ය මහින්ද අමරවීර මහතා කෘෂිකර්ම දෙපාර්තමේන්තුවට උපදෙස් ලබා ද තිබේ.