මහජන උපයෝගිතා කොමිසමේ හිටපු සභාපති ජනපතිවරණයට

ශ්‍රී ලංකා මහජන උපයෝගිතා කොමිෂන් සභාවේ (PUCSL) හිටපු සභාපති ජනක රතනායක මහතා මීළඟ ජනාධිපතිවරණයට ඉදිරිපත් වන බව පවසා සිටිනවා.

ඊයේ (24) මාධ්‍ය වෙත අදහස් දක්වමින් ඔහු කියා සිටියේ මේ සම්බන්ධයෙන් කළ ඉල්ලීම් කිහිපයක් මත තමන් තරඟ කිරීමට තීරණය කළ බවත් ජනාධිපතිවරණය සඳහා ජනතා සහය තමන් වෙත ලැබෙන බව විශ්වාස බවත්ය.

තමන්ව මහජන උපයෝගිතා කොමිසමේ සභාපති ධූරයෙන් ඉවත් කිරීමේ පාර්ලිමේන්තු යෝජනාව සම්බන්ධයෙන් අදහස් දක්වමින් රත්නායක මහතා කියා සිටියේ එහි ප්‍රතිඵලය තමන් දන්නා බවත් ඊට මුහුණ දීමට තමා සූදානම් බවත්ය.

ඔහු ප්‍රකාශ කළේ තමා ඉවත් කිරීමෙන් පසු බලධාරීන්ට තම අණදෙන නිලධාරියා යටතේ නුසුදුසු පුද්ගලයෙකු පත් කිරීමට පහසු වනු ඇති බවයි.