ශ්‍රී ලංකා දැල්පන්දු කණ්ඩායමේ පුහුණුකාරිත්වයෙන් Hyacinth Wijesinghe ඉවත් වීමෙන් පසුව නව පුහුණුකාරිණිය ලෙස අත්දැකීම් බහුල පුහුණුකාරිණියක් වන තිලකා ජිනදාස මහත්මිය පත් කිරීමට ශ්‍රී ලංකා දැල්පන්දු සම්මේලනය තීරණය කර තිබෙනවා.

තිලකා ජිනදාස 2011 සහ 2018 වසරවල ආසියානු කුසලාන දිනූ ශ්‍රී ලංකා කණ්ඩායම්වල පුහුණුකාරිණිය ලෙස කටයුතු කළ අතර 2019 වසරේ පැවති දැල්පන්දු ලෝක කුසලානයට සහභාගි වූ ශ්‍රී ලංකා කණ්ඩායමේ පුහුණුකාරිණිය වූයේ ද ඇයයි.

නව පුහුණුකාර තනතුර සඳහා ජිනදාස මහත්මියගේ සහ හිටපු ජාතික ක්‍රීඩිකා සෝමිතා ද අල්විස් මහත්මියගේ නම් යෝජනා වී තිබුණා.