මාසික ආදායම 45,000 ඉක්මවූවන්ටත් බද්දක් ?

45,000 ඉක්ම වූ මාසික ආදායමක් සහිත පුද්ගලයින්ට ද නව බද්දක් හඳුන්වාදීමට සැලසුම් සකස් කරමින් සිටින බවට රජයට චෝදනා එල්ල වනවා.

ලාංකීය එක්සත් ව්‍යවසායකයින්ගේ සංගමයේ නියෝජ්‍ය සභාපති සුසන්ත ලියනාරච්චි අදහස් දක්වමින් පවසා සිටියේ ඒ පිළිබඳ රජය විසින් සාකච්ඡා ආරම්භ කර ඇති බවත් රජය ඒ සම්බන්ධව ඇහුම්කන් නොදුනහොත් අධිකරණයේ පිහිට පතන බවත් ය.

මේ අවස්ථාවේ දී රජය තීරණ ගන්නේ මහජනයා ගැන සිතා නොව තමන් ගැන පමණක් සිතා බව එම මාධ්‍ය හමුවේදී අදහස් දක්වමින් ලාංකීය එක්සත් ව්‍යවසායකයින්ගේ සංසඳයේ සභාපති ටානියා එස්. අබේසුන්දර පවසා සිටියේය.