සංචාරක නවසීලන්ත කණ්ඩායමට එරෙහිව පැවැත්වෙන තරග 3 කින් සමන්විත එක්දින ක්‍රිකට් තරගාවලියේ 3-0 ක පූර්ණ තරගාවලි ජයක් වාර්තා කිරීමට ඉන්දීය කණ්ඩායම අද (24) සමත් වූයේ දෙරට අතර පැවති තුන්වන එක්දින තරගයෙන් ලකුණු 90 ක විශිෂ්ට ජයක් වාර්තා කරමිනි. 

තරගයේ කාසියේ වාසිය දිනූ නවසීලන්ත කණ්ඩායමේ ආරාධනයෙන් පළමුව පන්දුවට පහරදුන් ඉන්දියාව කඩුලු 9ක් දැවී ලකුණු 385ක දැවැන්ත ලකුණු පුවරුවක් නිර්මාණය කළා.

ආරම්භක කඩුල්ල වෙනුවෙන් ඕවර 26.1කදී ලකුණු 212ක සබඳතාවක් ගොඩනැගීමට රෝහිත් ෂර්මා සහ ශුබ්මන් ගිල් සමත් වූහ.

රෝහිත් ලකුණු 101කට දැවී ගිය අතර ගිල් ලකුණු 112ක් ලබා සිටියේය. හර්දික් පාණ්ඩ්‍යා ලකුණු 54යි.

පන්දු යැවීමේදී Jacob Duffy සහ Blair Tickner කඩුලු 3 බැගින් දවා ගත්හ.

දැවැන්ත ඉලක්කයක් හඹාගිය නවසීලන්ත පිලට ඕවර 41.2කදී ලබාගත හැකිවූයේ ලකුණු 295ක් පමණි.

ඩෙවෝන් කොන්වේ පන්දු 100කදී ලකුණු 138ක් ද, හෙන්රි නිකොල්ස් ලකුණු 42ක් ද, මිචෙල් සැන්ට්නර් ලකුණු 34ක් ද රැස් කළහ.

පන්දු යැවීමේදී ෂර්දුල් තාකූර් සහ කුල්දීප් යාදව් කඩුලු 3 බැගින් දවා ගත්හ.