ඔලිම්පික් තරගාවලියට සෙලෙන්ස්කිගෙන් කොන්දේසි

2024 ජුලි 26 වනදා පැරිසියේදී ආරම්භවීමට නියමිත ඔලිම්පික් තරගාවලියට රුසියානු ක්‍රීඩකයන්ට අවස්ථාව ලබාදෙන්නේ නම් තමන් ඔලිම්පික් තරගාවලිය වර්ජනය කරන බව යුක්රේන ජනාධිපති වොලඩිමියර් සෙලෙන්ස්කි පවසයි.

රුසියානු සහ බෙලරුසියානු ක්‍රීඩක ක්‍රීඩිකාවන්ට ඔලිම්පික් උළෙලේදී තම රට නියෝජනය නොවන ලෙස තරගවලට සහභාගිවීමට අවස්ථාව සළසන බව ජාත්‍යන්තර ඔලිම්පික් කමිටුව ප්‍රකාශ කර තිබුණා.

යුක්රේන ජනාධිපතිවරයා පවසන්නේ එසේ ඉඩ ලබා දීම යම් අයුරකින් ත්‍රස්තවාදය පිළිගැනීමක් බවයි.

ඔලිම්පික් උළෙලේ සත්කාරකත්වය ප්‍රංශය දරණ අතර මේ සම්බන්ධයෙන් යුක්රේන ජනාධිපතිවරයා ප්‍රංශ ජනාධිපති එම්මානුවෙල් මැක්‍රොන්ටද දැනුම් දී ඇති බව වාර්තා වේ.