ක්‍රිකට් නිල ඇඳුම් අනුග්‍රහය Moose Clothing වෙතින්

Moose Clothing Company 2023-2027 කාලසීමාව සඳහා නිල ක්‍රිකට් ඇඳුම් අනුග්‍රාහකයා බවට පත්වී තිබේ.

ජාත්‍යන්තර ක්‍රිකට් කවුන්සිලයේ සහ ආසියානු ක්‍රිකට් කවුන්සිලයේ සියලුම ඉසව් ආවරණය වන පරිදි ඉදිරි තරඟාවලිවලදී Moose ශ්‍රී ලංකාවේ ජාතික කණ්ඩායම් සඳහා නිල ක්‍රිකට් ඇඳුම් සපයන අතර 2023 මැයි 25 වැනි දින කොළඹදී පවත්වන ලද විශේෂ උත්සවයකදී ශ්‍රී ලංකා සහ ඇෆ්ගනිස්තාන පිරිමි එක්දින තරගාවලිය සඳහා නිල එක්දින ජර්සිය එළි දක්වා ඇත.

ක්‍රීඩාවේ ඉහළම මට්ටමින් භාවිතා කරන තාක්ෂණික රෙදිපිළි ඒකාබද්ධ කරමින් ඉංජිනේරු රෙදි පිළිබඳ ගැඹුරු පර්යේෂණ සහ සංවර්ධන විශ්ලේෂණයකින් පසුව මෙම නව ජර්සිය සැලසුම් කර ඇති අතර රටේ සංස්කෘතිය, උරුමය සහ ආකර්ශනීය ආභාසය ඇති තීරණාත්මක සෞන්දර්යාත්මක අංගයක් මෙන්ම ජාතික කොඩියේ වර්ණ සංයෝජනයෙන් සිංහ ජාතියේ පුනර්ජීවනයක් මෙම ජර්සි මෝස්තරයෙන් නිරූපණය කරයි.

පසුගිය වසර 2-3 පුරාවටම ශ්‍රී ලංකාවේ ක්‍රිකට් හා සමානව ගෘහස්ත සන්නාමයක් බවට පත්වීමට සහ ගෝලීය කරලියට පැමිණීමට Moose Clothing හට පෙර පැවති ශ්‍රී ලංකා ක්‍රිකට් හවුල්කාරිත්වයන් උපකාර වූ අතර ශ්‍රී ලංකාවේ තාරුණ්‍ය සහ බහුවිධ සන්නාමය ලෙස, Moose Clothing ශ්‍රී ලංකා ක්‍රිකට් සම්බන්ධ කර ගනිමින් විලාසිතා සහ ඇඟලුම් කර්මාන්තය සඳහා නව යුගයක් නිර්මාණය කිරීමේ අබියස සිටී.