රත්‍රං ගෙන ආ මන්ත්‍රී නිදහස්

ඊයේ (23) ප්‍රකාශ නොකළ රත්‍රං කිලෝ තුනහමාරක් රැගෙන පැමිණ කටුනායක ගුවන් තොටුපොළේ දී ගත් පුත්තලම දිස්ත්‍රික් පාර්ලිමේන්තු මන්ත්‍රි අලි සබ්රි රහීම් රුපියල් මිලියන7.5ක දඩ මුදලක් මත නිදහස් කර තිබෙනවා.

ඔහු සන්තකයේ තිබූ රත්‍රං කිලෝ 3.5ක ප්‍රමාණය සහ ජංගම දුරකථන 91 ඇතුලු සියලු භාණ්ඩ රාජසන්තක කර තිබෙනවා.

මෙලෙස ඊයේ ඔහුව අත්අඩංගුවට ගැනුණේ ලද තොරතුරකට අනුවයි.

මැදපෙරදිග සිට දිවයිනට පැමිණි ෆ්ලයි ඩුබායි ගුවන් සේවයට අයත් එෆ් ඉසෙඩ් 547 දරණ ගුවන් යානයෙන් පැමිණි අවස්ථාවේ මන්ත්‍රීවරයා අත්අඩංගුවට ගෙන ඇත්තේ ගුවන් තොටුපලේ ප්‍රභූ පර්යන්තයේදීයි.

ඔහු රිෂාඩ් බදියුදීන්ගේ නායකත්වයෙන් යුත් සමස්ත ලංකා මුස්ලිම් කොංග්‍රසයේ පුත්තලම දිස්ත්‍රික් සංවිධායකවරයාද වනවා.

රන් ජාවාරම වැළැක්වීමේ අරමුණින් කැරට් 22 ට වැඩි රන් ආභරණ ලෙස ගෙන ඒම සීමා කරමින් පසුගියදා අතිවිශේෂ ගැසට් පත්‍රයක් ද නිකුත් කෙරුණා.

ඊයේ පාර්ලිමේන්තුවේදී මෙම සිද්ධිය සම්බන්ධයෙන් කතාබහට ලක්වූ අතර,මේ සම්බන්ධයෙන් විධිමත් පරීක්ෂණයක් සිදුකළ යුතු බව එහිදී සමගි ජනබලවේගයේ පාර්ලිමේන්තු මන්ත්‍රී හර්ෂණ රාජකරුණා කියා සිටියේය.