රොක් ඇන් රෝල් රැජින වූ ටීනා මියයයි

විචිත්‍රවත් රංගනයන් සහ ප්‍රබල රළු කටහඬ නිසා රොක් ඇන් රෝල් රැජින ලෙසින් හැඳින් වූ 83 හැවිරිදි ටීනා ටර්නර් සිය ජීවන ගමන නිමා කොට තිබෙනවා.

ස්විට්සර්ලන්තයේ සූරිච් අසල කුස්නාච්ට්හි දිගු කලක් රෝගාතුරව සිටි ඇය සිය නිවසේ දී මියගොස් ඇති බවයි විදෙස්මාධ්‍ය වාර්තා කරන්නේ.

1939 නොවැම්බර් 26 වන දින TN හි Nutbush හි උපත ලද ඇය සැබවින් ම පොප් සංගීත ඉතිහාසයේ ශ්‍රේෂ්ඨතම නාමයන් අතර නොමැකෙන මතක සටහනක් වනු ඇත.

1980 ගණන්වල “What's Love Got To Do With it”, “Private Dancer” වැනි විශාල ජනප්‍රියත්වයක් ලබා ගත් අතර ඇයගේ “The Best" ඇල්බම මිලියන 180ක් ලොව පුරා අලෙවි වී තිබෙනවා.

එමෙන්ම Grammy සම්මාන 12ක් දිනා ගැනීමට මෙම අසහාය තාරකාව සමත්ව තිබෙනවා.