අද(26) කාලගුණ අනාවැකිය.

මහනුවර, නුවරඑළිය, ගාල්ල හා මාතර දිස්ත්‍රික්කවලත් බස්නාහිර සහ සබරගමුව පළාත්වලත් හවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකිය.

මේ අතර නැගෙනහිර හා ඌව පළාත්වලත් හම්බන්තොට හා පොළොන්නරුව දිස්ත්‍රික්කවලත් සිහින් වැසි වාර කිහිපයක් ඇතිවිය හැකිය.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

ගත වූ පැය 24 තුල දිවයිනේ අවම උෂ්ණත්වය 10.3°C ලෙස නුවරඑළියෙන් වාර්තා වේ. උපරිමය කුරුණෑගලින් 31.7°C ක් ලෙසට වාර්තා වේ.

ගෙවුණු දිනයේ උපරිම වර්ෂාපතනයක් ගාල්ලේ හෑගොඩ ප්‍රදේශයෙන් වාර්තා වේ. ඒ මි.මි 87.5 ලෙසයි.