නිර්මාංශ ආහාර හෘද රෝග අවදානම අඩු කරයි

ඩෙන්මාර්කයේ පර්යේෂකයන් විසින් දශක හතරක් තිස්සේ කරන ලද පරීක්ෂණයකින් නිර්මාංශ ආහාර මගින් හෘදයාබාධ වැඩි කරන රුධිරයේ කොලෙස්ටරෝල් සහ මේද මට්ටම අඩු කරන බැවින් ආහාර වේලට මස් රහිත ශාක පදනම් වූ ආහාර වැඩි වශයෙන් එක්කර ගැනීම හෘද සෞඛ්‍යයට යහපත් බව අනාවරණය කරගෙන ඇත.

මෙම පර්යේෂණය 1982 සිට ලොව පුරා පුද්ගලයින් 2,400 කට ආසන්න පිරිසක් එක්කර ගනිමින් අත්හදා බැලීම් 30 ක් සමඟ සිදුකර ඇති අතර එහිදී ඔවුන්ට නිර්මාංශ ආහාර වේලක් දිගින් දිගටම ලබාදී හෘද සෞඛ්‍යයට එහි බලපෑම නිරීක්ෂණය කර තිබේ.

එමගින් හෘදයාබාධ වැඩි කරන රුධිරයේ අහිතකර කොලෙස්ටරෝල් සියයට 10 කින් සහ කොලෙස්ටරෝල් සියයට 7 කින් අඩු කරන බව හෙළිවී ඇත.

ලෝක සෞඛ්‍ය සංවිධානයට අනුව හෘද රෝග හේතුවෙන් සෑම වසරකම මිලියන 18 කට ආසන්න පිරිසක් මියයන අතර මෙම පර්යේෂකයින් පෙන්වා දෙන්නේ වසර 15 ක් එවැනි ආහාර වේලක් පවත්වාගැනීමෙන් හෘද රෝග අවදානම සියයට 20 කින් අඩු කළ හැකි බවයි